ಜಿಡ್ಡುಗಟ್ಟಿದ ಹಣತೆಗಳನೆಲ್ಲ
ತೊಳೆದುಬಿಡಿ
ಹಳೆಬಟ್ಟೆಗಳಿಂದ ಹೊಸೆದ ಬತ್ತಿ
ಹೊಚ್ಚ ಹೊಸ ದೀಪವಾಗಲಿ
ಹೊಸ ಬದುಕು ಬೆಳಗಲಿ
ಕನಸಿನ ನಕ್ಷತ್ರಕಡ್ಡಿ
ಹೊತ್ತಿಸುತ್ತ
ಪ್ರತಿ ಮಗುವೂ
ಮನೆಯ ಹಣತೆಯಾಗಲಿ
ಬೆಂಕಿ ಪೆಟ್ಟಿಗೆಯಲ್ಲಿನ ಕಡ್ಡಿಗಳೆಲ್ಲ
ಹಣತೆ ಹಚ್ಚುವುದಕ್ಕೆ ಸಾಕಾಗಲಿ
ಊರ ಸುಡುವ ಬೆಂಕಿ
ಎಲ್ಲೂ ಹತ್ತದಿರಲಿ
ಎಲ್ಲೂ ಹತ್ತದಿರಲಿ
ಮನದ ಬಾಗಿಲಲಿ ಬೆಳಗಲಿ
ಆಕಾಶಬುಟ್ಟಿ
ತಿಮಿರವನೋಡಿಸಿ ಎಲ್ಲರನು ಕಾಯಲಿ
ಹೊಟ್ಟೆ ಕಿಚ್ಚಿನ ಬೆಂಕಿ
ಕೋಮುದ್ವೇಷದ ಬೆಂಕಿ
ಪ್ರೀತಿಯ ಮಳೆಗೆ ನಂದಲಿ
ಹೊಸ್ತಿಲಲಿ ಉರಿಯಲಿ
ಹಣತೆ
ಮನೆ ಮನದಲ್ಲಿ ದೀಪಾವಳಿ
5 comments:
ಸುಂದರವಾದ ಆಶಯಗಳು !
ನಿಮ್ಮ ಹಾರೈಕೆಗೆ ಸಹಮತವಿದೆ..
ದೀಪಾವಳಿ ಶುಭಾಶಯಗಳು !
ಸುಂದರ ಹಾರೈಕೆಗಳನ್ನೊಳಗೊಂಡ ಕವನ. ಚೆನ್ನಾಗಿದೆ. ಕವನದ ಆಶಯದಂತೇ ಎಲ್ಲರ ಬದುಕೂ ಹಸನಾಗಲಿ. ದೀಪಾವಳಿ ಮನದ ಕತ್ತಲೆಯನ್ನೋಡಿಸಿ ಜ್ಞಾನ ದೀವಿಗೆಯ ಹೊತ್ತಿಸಲು ಸಹಕಾರಿಯಾಗಲ್.
ದೀಪಾವಳಿಯ ಹಾರ್ದಿಕ ಶುಭಾಶಯಗಳು.
ನಿಮ್ಮ "ಮನದ ಗೋಡೆ, ಬಣ್ಣದ ಗರಿ, ಕುತೂಹಲ"- ಎಲ್ಲವೂ ತುಂಬಾ ಚೆನ್ನಾಗಿದೆ. ಅದರಲ್ಲೂ ಬಣ್ಣದ ಗರಿಯೊಳಗಿನ ಎಲ್ಲಾ ಚಿತ್ರಗಳೂ ತುಂಬಾ ಇಷ್ಟವಾದವು. U have a very good talent. Keep it up!
ನಿಮ್ಮ ಬ್ಲಾಗ್ ಗೆ ಮೊದಲ ಭೇಟಿ.ಬಹಳ ಇಷ್ಟವಾಯಿತು.ಸು೦ದರ ಆಶಯದ ಕವನವೂ ಚೆನ್ನಾಗಿದೆ. ಅಭಿನ೦ದನೆಗಳು.
Chennagide chennagide
Post a Comment