ಕಪ್ಪು ಮೋಡ ಮುಗಿಲಿನ್ಯಾಗ
ಸುಳಿದಾಡುತಾವ
ಹೊಯ್ದಾಡುತಾವ ಅತ್ತಿಂದಿತ್ತ
ಗುಡುಗುಡುಗುತಾವ, ಸಿಡುಸಿಡುಕುತಾವ
ಸಾವಿರ ನೆನಪು ಮನದೊಳಗ
ಯಾರೀಗೂ ಹೇಳಲಾರದಾಂಗ
ಅಲೆದದ ಒಳಗೊಳಗ, ದಿಗಿಲು ಹೀಂಗ
ಮೂಕ ಮನಸು ಕಾಯತಾವ
ಬೆಳಕು ಮಿಂಚಿ ಮಾಯತಾವ
ಕತ್ತಾಲ ಗೋಡೆಯೊಳಗ
ಸೋಗಿನೊಳಗ ಅಡಗುತಾವ
ಮಳೆಯ ಮೋಡ
ಎಲ್ಲೋ ಸೆಳೆದು ಹೊರಳುತಾವ
ದೂರ ದೂರ ನಿಲ್ಲದ್ಹಾಂಗ
ನವಿಲ ಕುಣಿತ ಅರಸುತಾವ
ಬರದ ಒಳಗೆ ಸಾಯುತಾವ
ಒಂದು ಹನಿಯೂ
ಹನಿಸುತಿಲ್ಲ
ಮನದ ದುಗುಡ ನಿಲ್ಲುತ್ತಿಲ್ಲ
ತೇಲಿಹೋತ
ಆರಿಹೋತ
ಬಿದ್ದರೂ ಬೀಳಲಾರದ ಮಳೆ
2 comments:
sundaravaada chitragalu....!!!!
ಚೆನ್ನಾಗಿದೆ... ಚಿತ್ರ ನೀವೇ ಬಿದಿಸ್ಸಿದ್ದಾ ?
Post a Comment